Author: slicadmin

ශ්‍රී ලංකා නව නිපැයුම්කරුවන්ගේ කොමිසමේ මඟපෙන්වීම මත ZERO to HERO වැඩසටහන යටතේ නව නිපැයුම්කරුවන් පිරිසකගේ හිමිකම සහිතව “ඉනෝ 8 රොබොටික්ස් පෞද්ගලික සමාගම” ආරම්භක ව්‍යාපාරයක් (Startup) ලෙස ස්ථාපනය කරන ලදී. ඔවුන්ගේ බුද්ධිමය දේපළ අයිතිය තහවුරු කරගැනීමට කටයුතු කරන ලද නව නිපැයුමක් වූ, වන අලින් සඳහා දේශීයව නිෂ්පාදිත කරපටි 50ක් 2021 වර්ෂය සඳහා වනජීවී සංරක්ෂණ දෙපාර්තමේන්තුව මඟින් මිලදී ගැනීමට එකඟ වී ඇත. රුපියල් මිලියන 22කට අධික වටිනාකමකින් යුතු මෙම ව්‍යාපෘතිය මඟින් විදේශයන් වෙත ගලාගිය විශාල මුදලක් ඉතිරි කරගැනීමට හැකිවීම විශේෂයක් වන අතරම දැනට භාවිතයේ ඇති කරපටි වලට වඩා තාක්ෂණයෙන් වැඩිදියුණු කරන ලද මෙම නව නිපැයුම ඊට වඩා අඩු මුදලකට ලබාගත හැකිවීමද විශේෂය.

දේශීය නව නිපැයුම් තුලින් ශ්‍රී ලාංකීය ආර්ථිකය බලගන්වන කොමිසමේ ක්‍රියාන්විතය තුල ලබාගත් සුවිශේෂි ජයග්‍රහණයක් වන මේ සඳහා වනජීවී සංරක්ෂණ දෙපාර්තමේන්තුව වෙතින් ලද අනුපමේය සහයෝගය විශේෂයෙන්ම සිහිපත්කල යුතුය. කොමිසම සහ වනජීවී සංරක්ෂණ දෙපාර්තමේන්තුව එක්ව ක්‍රියාත්මක කරන ලද මිනිසුන් සහ වනජීවීන් අතර ගැටුම් නවොත්පාදක විසඳුම් තුලින් අවම කිරීමේ ව්‍යාපෘතියට සමගාමීව අත්හදා බලන ලද මෙම නව නිපැයුම, කාලීන සමාජ අවශ්‍යතාවයක් වන වනජීවින් සහ මිනිසුන් අතර ඇතිවන ගැටුම් අවම කර මානව සම්පත, වනජීවින් සහ කෘෂිකර්මාන්තය ආරක්ෂා කිරීම තුලින් වර්ථමාන සමාජයේ හැරවුම් ලක්ෂ්‍යයක් ලෙස ක්‍රියාත්මක කළ හැකිබව අපගේ හැඟීමයි. කොමිසම පිළිබඳව විශ්වාසය තබමින්, දේශීය නව නිපැයුම් පිළිබඳව විශ්වාසය තබමින් කටයුතු කල වනජීවී සංරක්ෂණ දෙපාර්තමේන්තුවට අපගේ ස්තුතිය පිරි නැමිය යුතුමය.

දේශීය නව නිපැයුම් සඳහා වෙළඳපොල සොයාදීමට කොමිසම කැපවී ක්‍රියා කරන අතරම මුහුණදුන් බාධක කම්කටොලු මෙම ක්‍රියාන්විතයට පන්නරයක් කරගැනීමට අප හට හැකිවිය. එමෙන්ම දිවා රෑ නිදි නොමැතිව සිය නව නිපැයුම අවශ්‍යතාවය අනුව වැඩිදියුණු කරගනිමින් අවසානය දක්වාම සිය බලාපොරොත්තු අත් නොහැර කොමිසම සමඟ කටයුතු කල මෙම නව නිපැයුම්කරුවන්ගේ කැපකිරීම අනෙකුත් සියලුම නව නිපයුම්කරුවන්ටද මහඟු ආදර්ශයකි.

වනජීවී සංරක්ෂණ දෙපාර්තමේන්තුව හා එක්ව කොමිසම මඟින් ක්‍රියාත්මක කල මෙම වැඩසටහන සඳහා නිපුණතා සංවර්ධන, වෘත්තීය අධ්‍යාපන, පර්යේෂණ හා නව නිපැයුම් රාජ්‍ය අමාත්‍යාංශයේ සහ වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍යාංශයේ පූර්ණ දායකත්වය ලැබිණ.

නිපුණතා සංවර්ධන, වෘත්තීය අධ්‍යාපන, පර්යේෂණ හා නව නිපැයුම් ගරු. රාජ්‍ය අමාත්‍ය සීතා අරඹෙපොල මැතිතුමියගේ සහ වනජීවී රැකවරණය, අලිවැට හා අඟල් ඉදිකිරීම ඇතුළු ආරක්ෂිත වැඩපිළිවෙලවල් හා කැලෑ නැවත වගා කිරීම හා වන සම්පත් සංවර්ධන ගරු. රාජ්‍ය අමාත්‍ය විමලවීර දිසානායක මැතිතුමන්ගෙන් ලද නොමද සහයෝගයද සිහිපත් කල යුතුය.

ඔබගේ නව නිපැයුමද සාර්ථක ආරම්භක ව්‍යාපාරයක් (Startup) ලෙස ස්ථාපනය කර වාණිජකරණය කිරීම සඳහා ZERO to HERO වැඩසටහන හා එක්වන්න.

First ever Factory nurtured by Sri Lanka Inventors commission owns by Inventor Rishan Dulanjana was declared open with the participation of Prof. Rangika Halwatura, Commissioner on 4^th February 2021 at Ihalakeembiya village, Galle. Prof. Nalin Abesekara, University of Sri Jayawardanapura, Team SLIC, Team ITN and proud villagers also took a part in the event.

“Kosposha” an agriculture based patented food, produced with Jack Seed was invented by young inventor Mr Rishan Dulanjana a product of University of Sri jayawardanapura. Sri Lanka inventors Commission trust that this market window he explored, is showcasing the fashion of creativity and thinking practice of an inventor aiming to bring the taste of Kosposha across globally.

This is not just a start up but contributing significantly to shape the lives of the villagers of Ihalakeembiya and surrounding converting them as stakeholders of the value chain of Kosposha. Sri Lanka Inventors Commission invested to this bizvention through Invent Grant Programme.